मुंबई : भाजपाच्या आमदार मुक्ता टिळक आणि लक्ष्मण जगताप यांच्या निधनामुळे रिक्त झालेल्या अनुक्रमे पुण्यातील कसबापेठ, चिंचवड विधानसभा मतदारसंघात केंद्रीय निवडणूक आयोगाने बुधवारी पोटनिवडणूक घोषित केली आहे. या पोटनिवडणुकीसाठी पुढील महिन्यात २७ फेब्रुवारीला मतदान होणार असून मतमोजणी २ मार्चला होणार आहे.
 |
| IMG credit to pexal.com |
निर्णयाकडे लक्ष निवडणूक आयोगाने महाविकास आघाडीच्या पोटनिवडणुकीच्या पूर्ण कार्यक्रमाचीही घोषणा केली आहे. त्यानुसार, या पोटनिवडणुकीची अधिसूचना ३१ जानेवारीला जारी केली जाईल. उमेदवारी अर्ज दाखल करण्याची अंतिम मुदत ७ फेब्रुवारी अशी असून, ८ फेब्रुवारीला उमेदवारी अर्जांची छाननी होईल. १० फेब्रुवारी २०२३ ही उमेदवारी अर्ज मागे घेण्याची शेवटची तारीख आहे. पोटनिवडणूक जाहीर झाल्याने या दोन्ही मतदारसंघांत आचारसंहिता लागू झाली आहे. कसबापेठच्या आ. मुक्ता टिळक यांचे २२ डिसेंबर २०२२ रोजी, तर लक्ष्मण जगताप यांचे ३ जानेवारी २०२३ रोजी निधन झाले होते.
शिवसेना (ठाकरे) आमदार रमेश लटके यांच्या निधनामुळे अंधेरी पूर्व विधानसभा मतदारसंघात गेल्या वर्षी नोव्हेंबर महिन्यात निवडणूक घेण्यात आली. या निवडणुकीत शिवसेनेने लटके यांच्या पत्नीला उमेदवारी दिली होती. भाजपाने ही लढत प्रतिष्ठेची करत या पोटनिवडणुकीत आपल उमेदवार उभा केला होता. मात्र, ऐनवेळी भाजप- आपला उमेदवार मागे घेतला होता. त्यामुळे शिवसेनेच्या (ठाकरे) ऋतुजा लटके यांचा विजय सुकर झाला. आता पोटनिवडणूक जाहीर झालेल्या दोन्ही जागा भाजपच्या असल्याने येथे महाविकास आघाडी उमेदवार देण्याबाबत काय निर्णय घेणार याकडे राजकीय वर्तुळाचे लक्ष लागले आहे.